“Bilim Bakı” mərkəzinin şagirdləri beynəlxalq robot olimpiadasında uğur qazanıblar
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin Bilim Bakı mərkəzinin şagirdləri İtaliyanın paytaxtı Roma şəhərində keçirilən "Fibonacci" beynəlxalq robot olimpiadasının qalibi olublar.
“Azərbaycan müəllimi” xəbər verir ki, 320-dən çox komandanın yarışdığı olimpiadada “DENEYAP” texnologiya laboratoriyasının “Creators” komandası “Sağlamlıq elmləri və texnologiyaları” üzrə "Ali Məktəb Səviyyəsi" kateqoriyasında birinci yerin qalibi olub. Həmçinin “Turantech” komandası “Lego xəttinin təqibi” kateqoriyası üzrə münsiflər heyətinin xüsusi mükafatına layiq görülüb.
Hər il noyabr ayında İtaliyada keçirilən "Fibonacci" beynəlxalq robot olimpiadası ən böyük robototexnika tədbiridir. Dünyanın hər yerindən robototexnika həvəskarlarını bir araya gətirən bu tədbir yalnız yarışma deyil, həm də sərgi və təhsil seminarları ilə robototexnikada ən son nailiyyətləri nümayiş etdirir. İştirakçılar yaradıcılıqlarını sərgiləyərək texnoloji bacarıqlarını nümayiş etdirməklə yanaşı, yeni əməkdaşlıq və layihələr üçün də imkanlar tapırlar.
Bu il olimpiadada 13 ölkədən 93 müxtəlif məktəb və universiteti təmsil edən 1123 iştirakçı 18 kateqoriya üzrə mübarizə aparıb.
“Bilim Bakı” mərkəzi Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin və Türkiyə Texnologiya Komandası Fondunun əməkdaşlığı ilə yaradılıb. Məqsəd 6 -14 yaşlı şagirdlərin texnologiya, innovasiya, elm və sahibkarlıq sahəsində bilik və bacarıqlarını inkişaf etdirmək, onlara məktəbdə öyrədilən anlayışları tətbiqi təlimlər vasitəsilə əyani nümayiş etdirmək, gündəlik həyatda elm və texnologiyanın ekvivalentini göstərmək və nəzəriyyəsi məlum olan elmi hadisələrin praktikada necə işlədiyini müşahidə etmək imkanlarını yaratmaqdır.
1 /1
Digər xəbərlər
Paytaxt məktəblisi beynəlxalq yarışda qızıl medal qazandı
“BilBacar” müsabiqəsinin noyabr ayı üzrə “Yarış” mərhələsinə start verilib
ADPU-da narkomaniya ilə mübarizəyə aid görüş keçirilib
%20%C3%90%C2%9A%C3%90%C2%BE%C3%90%C2%BF%C3%90%C2%B8%C3%91%C2%8F%20Sayt.-Fon%20-%20%C3%90%C2%BA%C3%90%C2%BE%C3%90%C2%BF%C3%90%C2%B8%C3%91%C2%8F%20-%20%C3%90%C2%BA%C3%90%C2%BE%C3%90%C2%BF%C3%90%C2%B8%C3%91%C2%8F%20-%20%C3%90%C2%BA%C3%90%C2%BE%C3%90%C2%BF%C3%90%C2%B8%C3%91%C2%8F%20-%20%C3%90%C2%BA%C3%90%C2%BE%C3%90%C2%BF%C3%90%C2%B8%C3%91%C2%8F%20(4)%20copy.jpg)
Dərnəklərin istedadlı məktəbliləri
İqlim Elm Olimpiadasının mükafatlandırma mərasimi keçirilib
Azərbaycan Finlandiyada ilk dəfə təmsil olunduğu “Junction 2024” hakatonunda qalib olub
.jpg)
Azərbaycanı beynəlxalq aləmə tanıdan İSTEDADLAR
Şəhid Elbrus Hüseynovun övladı Avropa çempionu oldu
“BilBacar” müsabiqəsinin noyabr ayı üzrə “Hazırlıq” mərhələsinə start verilib
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
2024 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər (0)