Astronomlar elmə məlum olan ən “gənc” tranzit ekzoplaneti kəşf ediblər.

“Azərbaycan müəllimi” xəbər verir ki, astronomlar Yer kimi planetlərin əmələ gəlməsi ilə bağlı düşüncələrdə inqilab yarada biləcək "yeni doğulmuş" TIDYE-1b adlı ekzoplanet (günəşdənkənar planet - red.) kəşf ediblər. Bu maraqlı tapıntının planetar zaman qrafikləri və təkamül üçün böyük təsirləri var.

"Nature" jurnalında bu, üç milyon yaşlı planet haqqında ətraflı məlumat verilir. Müqayisə etsək, deyə bilərik ki, Yer 50 yaşlı yetkin bir insan olsa, bu yeni planet hələ 2 həftəlik bir körpə olardı. Bu da planetlərin yaranmasının ilkin mərhələləri haqqında bizə qiymətli məlumatlar verə bilər.

Dünyadan 520 işıq ili uzaqlığında olan bu planetin öz oxu ətrafında dönməsi 8.8 gün çəkir. Dünyadan təxminən 11 dəfə böyük diametrə sahibdir ki, bu da yaşına görə olduqca böyük olduğunu göstərir.

Alimlər qeyd edirlər ki, bu cür "gənc" planetləri kəşf etmək olduqca çətindir. Bu kəşf planetlərin nə qədər sürətli formalaşacağına dair bilinən məlumatları darmadağın edib. Onların cəmi 3 milyon il ərzində Yerin 10-20 milyon illik zaman qrafikindən daha sürətli ola biləcəyi məlum olub.

Bu kəşf sadəcə planetlərin sürətli formalaşmağını göstərməklə kifayətlənmir, eyni zamanda inkişaf prosesi haqqında da vacib məlumatlar verir.

Alimlər bildirirlər ki, sadəcə kainatın uzaq nöqtələrini deyil, günəş sistemimizin keçmişi və gələcəyi haqqında anlayışlarımızı da tamamilə dəyişdirəcək kəşflər üçün qarşılarında böyük bir potensial var. Onlar bu kosmik "yeni doğulanları" araşdıraraq kainata haradan gəldiyimizlə bağlı sirləri aşkar etməyi və hətta kosmos kəşf edildikcə bəşəriyyətin bundan sonra hara gedəcəyini təxmin etməyi ümid edirlər.