.jpg)
Azərbaycan Dövlət Aqrar Universitetinin (ADAU) Mühəndislik tədris korpusunun qarşısında möhtəşəm “Məzun günü” tədbiri keçirilib.
Universitetdən “Azərbaycan müəllimi”nə verilən məlumata görə, tədbirdə çıxış edən ADAU-nun rektoru Zəfər Qurbanov məzunları təbrik edərək onlara gələcək həyat və fəaliyyətlərində uğurlar arzulayıb. Rektor deyib ki, tələbələr universitetdə əldə etdiyi bilik və bacarıqlara arxalanaraq gənc mütəxəssis kimi Vətənə şərəflə xidmət etməyi özünə borc bilməlidir.
Çıxış edən Aqrar İnnovasiya Mərkəzinin Direktoru Anar Cəfərov da təbrik və tövsiyələrini məzunların diqqətinə çatdırıb.
Sonra hər bir fakültə üzrə ali təhsil müəssisəsinin ən yüksək ortalama bal ilə bitirən məzunlara təşəkkürnamə və qiymətli hədiyyələr verilib.
Həmçinin Azərbaycan Dövlət Aqrar Universitetindən ən yüksək ortalama bal ilə məzunun adı fəxri kötüyə həkk olunub.
Rəsmi hissədən sonra tədbir əyləncəli konsert proqramı ilə davam edib. Bir-birindən maraqlı yarışlar, müğənni, dj çıxışları və rəqs qruplarının nömrələri tədbirə xüsusi rəng qatıb.
Sonda tədbir atəşfəşanlıq ilə başa çatıb.
1 /10
Digər xəbərlər
Digər xəbərlər tapılmadı



Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun

Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər