Bu gün –  8 Sentyabr Beynəlxalq Savadlılıq Günüdür. Bu günün qeyd olunması savadlılığın fərdlərin, ailələrin və cəmiyyətlərin inkişafında nə qədər vacib rol oynadığını bir daha vurğulayır.

“Azərbaycan müəllimi” Dövlət Statistika Komitəsinin (DSK) ən son məlumatlarına əsasən xəbər verir ki, 2025-ci ildə ölkəmizdə əhalinin savadlılıq səviyyəsi 100%-ə (99,8) çatıb. Bu, Azərbaycanı savadlılıq sahəsində dünya üzrə ən yüksək göstəricilərə sahib ölkələrdən biri edir. UNESCO-nun məlumatlarına əsasən, 177 ölkə arasında Azərbaycan 100% savadlılıq səviyyəsinə malik 13 ölkədən biridir.( https://worldpopulationreview.com/country-rankings/literacy-rate-by-country) Azərbaycan bu siyahıda 5-ci yerdədir. Ölkəmizdə kişilər arasında savadlılıq səviyyəsi 99.9%, qadınlar arasında 99,7 faiz təşkil edir.

100% savadlılıq dərəcəsi olan ölkələr:

Ukrayna – 100%

Özbəkistan – 100%

Şimali Koreya – 100%

Qazaxıstan – 100%

Azərbaycan – 100%

Finlandiya – 100%

Norveç – 100%

Gürcüstan – 100%

Lüksemburq – 100%

Quam – 100%

Andorra – 100%

Qrenlandiya – 100%

Lixtenşteyn – 100%

Qlobal səviyyədə 2025-ci ildə dünya üzrə orta savadlılıq səviyyəsi 86,3%-dir. Bu göstərici kişilər üçün 90, qadınlar üçün isə 82,7% təşkil edir. Müqayisə edildikdə görmək olar ki, Azərbaycan əhalisinin savadlılıq səviyyəsi qlobal ortalamadan əhəmiyyətli dərəcədə yüksəkdir.