Bütün xəbərlər
17 yanvar, 17:54

Bakı şəhərində yerləşən 20 nömrəli məktəb-liseydə Elm və Təhsil Nazirliyi yanında İctimai Şuranın üzvləri ilə məktəb direktorlarının görüşü baş tutub.

“Azərbaycan müəllimi” xəbər verir ki, tədbirdə Bakı şəhərinin müxtəlif məktəblərini təmsil edən 300-dən çox məktəb direktoru iştirak edib.

İctimai dinləmə Azərbaycan Respublikasının Dövlət Himninin səsləndirilməsi ilə başlayıb. Daha sonra Vətən müharibəsində şəhid olan qəhrəmanlarımızın əziz xatirəsi bir dəqiqəlik sükutla anılıb.

Elm və Təhsil Nazirliyi yanında İctimai Şuranın sədri Hikmət Əlizadə "İdarəetmənin psixoloji əsasları" mövzusunda geniş məruzə ilə çıxış edib. Təhsildə idarəetmə sisteminin qayğı əsaslı bir yanaşma ilə qurulmasının vacibliyini vurğulayıb. Hikmət Əlizadə qeyd edib ki, anlama, fikir mübadiləsi və əməkdaşlıq prinsiplərinə söykənən idarəetmə modeli daha yüksək nəticələrə nail olmağa imkan verir.

Daha sonra çıxış edən İctimai Şuranın üzvü Kəmalə Aşumova "İdarəetmədə uşaqyönümlülük" mövzusunda danışıb. O, məktəblərdə uşaq hüquqları üzrə sistemli işlərin aparılmamasının əsas problemlərdən biri olduğunu diqqətə çatdırıb. K.Aşumova vurğulayıb ki, rəhbər heyətin uşaq hüquqları ilə bağlı məlumatlılığının aşağı səviyyədə olması bu yanaşmanın tədris prosesinə tam inteqrasiya edilməsinə mane olur. Təhlükəsizlik məsələlərinə də toxunan İctimai Şura üzvü fiziki və emosional təhlükəsizlik anlayışlarının hər ikisinin məktəb mühitində təmin edilməsinin vacibliyini qeyd edib. Onun sözlərinə görə, inklüziv və təhlükəsiz mühitin yaradılması uşaqların hərtərəfli inkişafını dəstəkləmək baxımından mühüm rol oynayır.

Daha sonra Elçin Əzimli təhsil mühitində "Emosional intellektin əhəmiyyəti" mövzusunda danışaraq, təqdir etmənin önəmini və düzgün tənqid mədəniyyətinin formalaşdırılmasının vacibliyini vurğulayıb. O, tənqidi yanaşmanın konstruktiv rəylərlə əvəz edilməsinin uzunmüddətli müsbət təsirlər yaratdığını qeyd edib. Çıxışçı bildirib ki, emosional intellektin idarəetmə proseslərində tətbiqi yalnız məktəb mühitində deyil, digər istiqamətlərdə də inkişafa şərait yaradır.

İctimai dinləmənin növbəti çıxışçısı Heydər Eminli olub. O, idarəetmədə fərqli yanaşmaların əhəmiyyəti barədə danışarkən qeyd edib ki, müəllimin şagirdlərdə yarada biləcəyi təsəvvür və xəyal gücü biliklərin ötürülməsindən daha qiymətlidir.

Dinləmənin sonunda məktəb direktorlarının sualları cavablandırılıb, onların təklif və rəyləri dinlənilib. Direktorlar sosial şəbəkə aludəçiliyinin tədrisdə yaratdığı maneələr ve şagird davranışına təsirləri ilə mübarizə yolları haqda suallarını İctimai Şura üzvlərinə ünvanlayıblar və bu mövzuda diskussiya aparılıb.

Tədbir iştirakçıları təhsil sahəsində aparılan islahatlarla bağlı öz fikirlərini bildiriblər.

Qeyd edək ki, ictimai dinləmənin əsas məqsədi təhsildə maraqlı tərəflər olan rəhbərlik, müəllimlər və mütəxəssislərin təkliflərini dinləmək, onların fikirlərini nəzərə almaq və bu prosesdə onları stimullaşdırmaq olub. Tədbir çərçivəsində səsləndirilən təkliflərin təhsil islahatlarına töhfə verməsi üçün qiymətləndirilməsi nəzərdə tutulub.

Foto: Kənan Qafarov

1 /7

Şərhlər

Xəbər lenti

11 mart, 22:26

Şimali Makedoniyanın Prezidenti Azərbaycanda tələbələrlə görüşəcək

11 mart, 20:58

Şimali Makedoniyanın Prezidenti: Elm sahəsində əməkdaşlığın qurulmasına nail ola bilərik

11 mart, 20:40

Siqaret və içkiyə aludə, mobil asılılıq: Zərərli vərdişlərin fəsadları

11 mart, 20:02

İstedadını incəsənətlə göstərənlər - Qalib şagirdlərlə söhbət

11 mart, 19:00

Uşaqların ekran vaxtının məhdudlaşdırılması onların psixi sağlamlığına təsir edir

11 mart, 18:20

Övladları 1-ci sinfə gedəcək valideynlərin NƏZƏRİNƏ

11 mart, 17:43

Xaricdə təhsil almaq istəyənlər üçün sənəd qəbulunun tarixi yaxın günlərdə açıqlanacaq

11 mart, 17:27

“Müasir metodist” müsabiqəsinin müsahibə mərhələsinə başlanılıb

11 mart, 17:25

Xaricdə doktorantura təhsili üçün tələb olunan sənəd sayı azaldılıb

11 mart, 17:13

Türkiyədə doktorantura təhsili üçün təqaüd imkanı

11 mart, 16:40

İmtahandan üzü qara çıxanlar - Onlara münasibət necə olmalıdır?

11 mart, 16:36

Rektor: Dünyanın tanınmış univesitetlərinin təcrübəsi əsasında ixtisaslaşmaların yeni siyahısı hazırlanır

11 mart, 16:36

“Korrupsiyaya qarşı mübarizə” mövzusunda görüş keçirilib

11 mart, 16:15

Texniki, texnoloji və Xüsusi təyinatlı ixtisaslar üzrə qrupun iclası keçirilib

11 mart, 16:02

“Müasir metodist” müsabiqəsinin müsahibə mərhələsinə başlanılıb

11 mart, 15:42

Paytaxtda məktəblərin mikroəraziləri ilə bağlı 1630 müraciət cavablandırılıb

11 mart, 15:13

Şagirdlərimizin uğuru bizi daha da həvəsləndirir” – MÜSAHİBƏ 

11 mart, 15:00

Aqrar sahə üzrə yeni təhsil proqramlarının hazırlanması üçün müzakirələrə başlanılıb

11 mart, 13:52

Buraxılış imtahanlarının tarixləri dəyişdirilsinmi?

11 mart, 13:43

UNEC-in 95 illik yubileyinə həsr olunan TEDx konfransı keçirilib

Digər xəbərlər

Digər xəbərlər tapılmadı

Search not found

Qəzetimizə abunəlik

"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun

2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.