“Qarşılıqlı əməkdaşlıq və təcrübə mübadiləsi olmadan iqlim dəyişikliyi və təhsil sahəsinin qarşısında duran qlobal çağırışların öhdəsindən gəlmək mümkün deyil”.
“Azərbaycan müəllimi” xəbər verir ki, bu fikirləri Bakıda Elm və Təhsil Nazirliyi və İslam Dünyası Təhsil, Elm və Mədəniyyət Təşkilatının (ICESCO) birgə təşkilatçılığı ilə keçirilən “Yaşıl təhsil” mövzusunda ilk regional konfransda elm və təhsil nazirinin müavini Həsən Həsənli səsləndirib.
“Biz coğrafi baxımdan eyni regionda yerləşirik və oxşar iqlim problemləri ilə üz-üzəyik. Əgər bu məsələləri birlikdə həll etməsək, bunu bizim yerimizə heç kim etməyəcək”, – deyə nazir müavini bildirib.
Həsən Həsənli əlavə edib ki, Azərbaycanın 2030-cu ilədək inkişaf strategiyasında “yaşıl” və dayanıqlı inkişaf ölkənin əsas hədəflərindən biri kimi müəyyən edilib. Bu strategiya enerji keçidindən başlayaraq alternativ enerji mənbələrindən istifadəyə, təhsil proqramlarında müvafiq dəyişikliklərə qədər bütün istiqamətləri əhatə edir. “Bu baxımdan xüsusilə STEM təhsilinin genişlənməsi qəbul edilən strateji sənədlər nəticəsində mümkün olub”, – deyə o vurğulayıb.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər