“İqlim böhranı dünyanı, təbiəti, iqtisadiyyatları və cəmiyyətləri təhlükə altına qoyur. Buna görə də gələcək nəsilləri necə öyrətdiyimizə yenidən baxmalıyıq. Artıq ənənəvi dərslərlə kifayətlənməməliyik. Bunun əvəzinə təhsilin əsas mövzusu olaraq ətraf mühitə qayğı, dayanıqlı həyat tərzi və iqlim dəyişikliyinə necə uyğunlaşacağımızı öyrətməliyik”.
“Azərbaycan müəllimi” xəbər verir ki, bu fikirləri ICESCO-nun Bakı Regional Ofisinin direktor müavini Məryəm Qafarzadə Elm və Təhsil Nazirliyi və İslam Dünyası Təhsil, Elm və Mədəniyyət Təşkilatının (ICESCO) birgə təşkilatçılığı ilə keçirilən “Yaşıl təhsil” mövzusunda ilk regional konfransında deyib.
O bildirib ki, “yaşıl təhsil” sadəcə bir fikir deyil, mütləq edilməsi vacib olan bir işdir:
“Bu ilin aprelində açılan və Cənubi Qafqaz və Mərkəzi Asiya ölkələrini (Azərbaycan, Özbəkistan, Tacikistan, Qazaxıstan, Türkmənistan) əhatə edən ICESCO-nun Bakı Regional Ofisi bu təşəbbüsü dəstəkləyir. Beynəlxalq tərəfdaşlarla birlikdə hərtərəfli, elmi əsaslı və praktik nəticə verən bir təhsilin inkişafı üçün çalışırıq.
İnanırıq ki, gənclərə ətraf mühit problemləri ilə mübarizə aparmaq üçün bilik, bacarıq və dəyərlər vermək daha dayanıqlı və güclü cəmiyyətlər qurmağın ən vacib addımıdır”.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər