Bakı şəhərində 2008-2009-cu il təvəllüdlü idmançılar arasında ölkə birinciliyi keçirilib. Bakı Atletika Mərkəzində iki gün davam edən bu yarışa Naxçıvan Muxtar Respublikasından 1 məşqçi, 6 idmançı qatılıb.
Muxtar Respublikanın Təhsil Nazirliyindən “Azərbaycan müəllimi”nə bildirilib ki, ölkə birinciliyində iştirak edən Ordubad şəhər 3 nömrəli tam orta məktəbin IX sinif şagirdi Namiq Babayev yarışda uğur qazanıb.
Yarış zamanı Namiq Babayev bu cür yarışlarda nadir rastlanan məqam yaşayıb. 1500 metr məsafəyə qaçış yarışında finişə rəqibi ilə başabaş gələn Naxçıvan atleti yekun nəticədə saniyənin 2/100 nisbətində bir fərqlə (4:33.71-4:33.69) birinciliyi əldən verib. Buna rəğmən idmançımız 3000 metr məsafədə bütün rəqiblərini geridə qoyaraq (9:58.90) qızıl medala sahib çıxıb.
Qeyd edək ki, bu nəticələrlə Namiq Babayev son on gündə iştirak etdiyi ölkə birinciliklərindən 3 qızıl və 1 gümüş medal qazanmağa müvəffəq olub.
1 /3
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər