“Sertifikasiya imtahan suallarının hazırlanmasında əsas məqsəd onların humanist xarakter daşıması, müəllimlər üçün çox ağır olmaması idi. Biz ilk dəfə keçirilməsi meyarını nəzərə aldıq”.
“Azərbaycan müəllimi” xəbər verir ki, bu barədə bu gün təşkil edilən mətbuat konfransında elm və təhsil naziri Emin Əmrullayev məlumat verib.
Nazir vurğulayıb ki, suallar yalnız müəllimlər üçün deyil, bütün ictimaiyyət üçün açıqdır və lazım gələrsə, həmin suallara yenidən baxılır.
Emin Əmrullayev əlavə edib ki, növbəti mərhələdə əsas diqqət oxuyub anlama bacarığının inkişafına yönəldiləcək. Onun sözlərinə görə, hazırda tədrisin ən böyük problemlərindən biri məhz oxuyub anlama qabiliyyətinin zəif olmasıdır:
“Dil dərslərinin məqsədi yalnız qrammatik qaydaları öyrətmək deyil. Şagird oxuduğunu anlamalıdır. Əks halda, yazını düzgün ifadə edə bilmir və fikirlərini tam şəkildə çatdırmaqda çətinlik çəkir. Buna görə də biz ibtidai siniflərdən başlayaraq oxuyub anlama bacarığının möhkəmləndirilməsinə xüsusi diqqət ayırırıq”.
Nazir həmçinin qeyd edib ki, oxuyub anlama sürətli oxumaq demək deyil:
“Şagird dəqiqədə 90–100 söz oxuya bilər, amma əsas məsələ oxuduğu mətnin məzmununu dərk etməkdir. Oxunun mahiyyəti məhz oxunan fikri başa düşməkdir”.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər