Martın 3-də Qazaxıstanın Ş.Yesenov adına Xəzər Texnologiya və Mühəndislik Universitetinin tədris işləri üzrə prorektoru Kayirbek Makulovun rəhbərlik etdiyi nümayəndə heyəti Azərbaycan Dövlət Neft və Sənaye Universitetinin (ADNSU) rektoru dosent Rüfət Əzizovla görüşüblər.
Universitetdən “Azərbaycan müəllimi”nə bildirilib ki, ADNSU-nun müvafiq fakültə dekanlarının və şöbə müdirlərinin də iştirak etdiyi görüşdə mövcud imkanlar çərçivəsində əməkdaşlıq əlaqələrinin inkişafından, birlikdə elmi-tədqiqat işlərinin aparılmasından və ortaq elmi layihələrin icrasından bəhs olunub. Həmçinin tələbə-müəllim mübadiləsi, beynəlxalq təcrübə proqramlarının tədrisdə tətbiq olunması kimi məsələlərlə də bağlı fikir mübadiləsi aparılıb.
Görüşdə yüksək potensiallı hər iki ali təhsil müəssisəsinin əməkdaşlığının müsbət nəticə verəcəyinə əminlik ifadə olunub.
Səfər çərçivəsində qonaqlar universitetlə daha yaxından tanış olublar. Tarix muzeyində, “Kibertəhklükəsizlik laboratoriyası”nda olublar və universitetin elmi-tədqiqat potensialını yüksək dəyərləndiriblər.
1 /11
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər