Bütün xəbərlər
16 dekabr, 11:00

Həkim ailəsində böyüdüyündən təbabətə yaxın olub, təbiətə bağlanıb. Fərdi torpaq sahəsində kiçik bağ salıb. Qəbələ torpağı da əməyinin qarşılığını verib. Bağçası gözəlləşdikcə o da həvəslənib, həyətyanı sahəsini gülüstana döndərib. Bu yaşında yeni bir məşğuliyyətə başlamaq həvəsi doğub. Deyib, bağçasının gülü var, arısı niyə olmasın?  

“Çoxdan peşə təhsili almaq istəyirdim”

Tanış olun. Peşə təhsili müəssisələrinin builki ən yaşlı tələbələrindən biri Sədaqət Bayramova 49 il iş təcrübəsi, 70 il həyat təcrübəsi topladıqdan sonra arıçı olmağa qərar verib. “Yaşlı” deyəndə ki, baxmayın artıq 70 yaşı olduğuna, ürəyində gənclik eşqi, başında arıçılıq sevdası ilə təqaüdə çıxan kimi üz tutub Qəbələ Dövlət Peşə Təhsil Mərkəzinə: “Çoxdan peşə təhsili almaq istəyirdim. Ötən il peşə təhsili müəssisələrinə qəbul başlayanda müraciət edəcəkdim. Ancaq iş elə gətirdi ki, alınmadı. Mən də arzumu bu il reallaşdırdım”.  

24 ili müxtəlif dövlət vəzifələrində olmaqla, 49 illik iş stajından sonra insan yeni bir peşəni niyə öyrənsin ki: “Məni peşə təhsilinə gətirən yeganə səbəb arılara olan həvəsimdir. Gedib kiminsə yanında öyrənməkdənsə, nəzəriyyəsi, təcrübəsi ilə birlikdə Qəbələ Dövlət Peşə Təhsil Mərkəzində öyrənməyə qərar verdim”.

Dediyinə görə, bu sahəyə çoxdan həvəsi olsa da, gərgin iş rejimi sayəsində arzuladığı məşğuliyyəti inkişaf etdirə, hobbisində peşəkarlaşa bilməyib.  

Yüksək vəzifələrdə keçən ömür

Sədaqət Bayramova 1954-cü ildə Qəbələ şəhərində doğulub. Şəhər 1 nömrəli tam orta məktəbində birinci sinfə gedib. Elə məktəbi də burada bitirib. Sonra yolu paytaxta qədər uzanıb. 1971-ci ildə ilk dəfə tələbə adı qazanıb, Axundov adına Rus dili və Ədəbiyyatı İnstitutuna daxil olub. Komsomol və partiya orqanlarında çalışıb, 1990-cı ildə Bakı Ali Partiya Məktəbini bitirərək politoloq ixtisası üzrə fəaliyyət imkanı qazanıb. Sosial Müdafiə Mərkəzində 10 il direktor, Əmək və Əhalinin Sosial Müdafiəsi Nazirliyində 2 il çalışdıqdan sonra rayona qayıdıb: “Bakıda yaşaya bilmədim. “Azərpoçt”da, icra hakimiyyətində rəhbər vəzifələr tutdum. Qızıl Aypara Cəmiyyətinin sədri vəzifəsində çalışdım. İndi də arılarım olsun, onlara qulluq edim istəyirəm”.

Arıçılıq eşqi

Dediyinə görə, əvvəllər arıları olub, amma düzgün qulluq olunmadığı üçün məhv olublar: “1 arı ailəsi almışdım. Onu artıraraq 7 arıya çatdırdım, amma hamısı məhv oldu”.

Arıları məhv olsa da, onun həvəsi ölməyib: “Qəbələ Dövlət Peşə Təhsil Mərkəzində arıçılıq kursu açılanda ürəyimdə ölməyən arıçılıq həvəsi yenidən baş qaldırıb. İstəyirəm ki, bu işi öyrənim və həyətimdə arı saxlayım. Yaza arı almağı planlaşdırıram. Böyük təsərrüfat yaratmaq niyyətim yoxdur. Sadəcə öz həyətimdə arılarım olsun, istəyirəm. Oturub saatlarla onun çiçəyə qonmasını, çiçək üzərində işini izləyə bilərəm. Həmişə izləyir, düşünürdüm ki, kiçik həşəratın nə qədər böyük hikməti var. Bu möcüzəni yenidən bağçamda görmək istəyirəm”.

“Vəzifədən ayrılıb peşə təhsili müəssisələrinə qəbul prosesinə qatıldım”

Peşə mərkəzində arzuladığı təhsil və təcrübəni qazanacağına əmindir: “Fəaliyyətimlə əlaqədar olaraq Qəbələ Dövlət Peşə Təhsil Mərkəzi ilə bağlantılarım olub, işimizlə bağlı tədbirlərdə olurdum, burada tədbirlər keçirirdim. Keçən il kurs açılan kimi sənədlərimi təqdim etmək istədim. Amma mənə dedilər ki, əmək fəaliyyətim davam etdiyi üçün təhsil ala bilməyəcəyəm. Vəzifədən ayrılıb təqaüdə çıxdıqdan sonra bir maneə qalmadı və mən bu il peşə təhsil müəssisələrinə qəbul prosesinə qatıldım”.

İndiyədək dərs buraxmayıb: “Nəinki kursda, ümumiyyətlə, mərkəzdə hamıdan böyük mənəm. Təhsil müəssisələrində, o cümlədən Qəbələ Dövlət Peşə Təhsil Mərkəzində dəfələrlə tədbirlər keçirdiyimdən burada çox olmuşam. Yeni qəbul olanda özümü həmin tədbirlərdən birində iştirak edən kimi hiss edirdim, indi də özümü tələbə kimi hiss etmirəm”.  

1 /1

Şərhlər

Xəbər lenti

31 mart, 08:58

Sabahdan məktəbəhazırlıq qrupları üzrə şagird yerdəyişməsi dayandırılacaq

30 mart, 06:13

Tarixi faciələr şagirdlərə necə öyrədilməlidir?

29 mart, 11:35

“Şagirdlərin biliyinə qiymət vermək haqqında” QƏZETİN ARXİVİNDƏN

28 mart, 10:07

Novruz 2025: Təhsil işçiləri və tələbələrin birlik düşərgəsi – REPORTAJ

28 mart, 08:38

Əminağa Sadıqov: Elmi nəticələrimizi bazara çıxarmağa çalışmalıyıq

28 mart, 08:31

“Məktəbəqədər və ibtidai təhsil” jurnalı nüfuzlu elmmertik platformada qeydiyyata alınıb

28 mart, 06:39

Martın 29-da ilin ilk Günəş tutulması olacaq

27 mart, 13:22

"Mədəniyyət və yaradıcı sənayelər üzrə xüsusi Təqaüd Proqramı"na sənəd qəbulu başlayır

27 mart, 12:15

İqtisad elminin yorulmaz tədqiqatçısı, alim, pedaqoq

27 mart, 11:19

Prezident və birinci xanım Sarıcalıda məktəb və bağça açılışında iştirak ediblər

27 mart, 08:50

Nazir Fransa və digər Qərbi Avropa ölkələrində azərbaycanlı tələbələrlə görüşüb

27 mart, 07:52

Tələbə yaz məktəbləri uğurla davam edir

27 mart, 06:29

“Gənc müəllimlərin peşəkarlıq səviyyəsi artdıqca təhsilin səviyyəsi artır” – MÜSAHİBƏ

27 mart, 06:00

27 Mart Azərbaycanda Elm Günüdür

26 mart, 17:27

Emin Əmrullayev malayziyalı həmkarı ilə görüşüb

26 mart, 12:30

Motosiklet sürücülərinin təhlükəsizliyi ilə bağlı layihə  – Şagirdlərin yeni təşəbbüsü

26 mart, 10:48

Xankəndi şəhəri və Xocalı rayonu üzrə təhsil sektoruna yeni müdir təyin olunub

26 mart, 08:48

Elm və təhsil nazirinin rəhbərlik etdiyi nümayəndə heyəti Parisdə bir sıra görüşlər keçirib

26 mart, 08:46

Azərbaycanlı tələbə ABŞ-də keçirilən müsabiqədə birinci oldu

26 mart, 08:02

Qazaxıstan universitetlərinə sənəd qəbulu davam edir

Digər xəbərlər

Digər xəbərlər tapılmadı

Search not found

Qəzetimizə abunəlik

"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun

2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.