“Müəllimlərin sertifikatlaşdırılması prosesində riyaziyyat fənnindən ən yüksək nəticələr Xaçmaz, Siyəzən, Mingəçevir, İsmayıllı və Sumqayıt şəhərləri üzrə olub”.
“Azərbaycan müəllimi” xəbər verir ki, bunu elm və təhsil naziri Emin Əmrullayev “Sertifikatlaşdırma 2025: peşəkar müəllim–keyfiyyətli təhsil" adlı tədbirdə çıxışı zamanı söyləyib.
Onun sözlərinə görə, elə bölgələr var ki, orada nəticələri zəif olan riyaziyyat müəllimləri fəaliyyət göstərirlər.
"Buna görə də bəzi məktəblərdə 5 müəllimdən yalnız biri növbəti tədris ilində riyaziyyat fənnini tədris etməyə davam edə biləcək”.
Nazir həmçinin qeyd edib ki, riyaziyyat fənnindən sertifikatlaşdırma imtahanında zəif nəticə göstərən müəllimlərin 44 faizi Azərbaycan Beynəlxalq Universitetin məzunlarıdır: “Zəif nəticə göstərən müəllimlərin bitirdiyi universitetlərə Kirovabad Dövlət Universiteti, Gəncə Dövlət Pedaqoji Universiteti, Azərbaycan Texniki Universiteti və Bakı Dövlət Universitetinin Şəki filialı daxildir”.
O bildirib ki, bu universitetlərin çoxu hazırda ya fəaliyyət göstərmir, ya da müəllim hazırlığı ilə məşğul olmurlar.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər