"Sumqayıt şəhərində hər zaman təhsil ənənələri olub”.

“Azərbaycan müəllimi” xəbər verir ki, bunu Sumqayıt Dövlət Universitetinin rektoru Rüfət Əzizov “Təhsildə yeni çağırışlar” adlı regional konfransda çıxışı zamanı deyib.

Onun sözlərinə görə, Sumqayıt məktəblilərinin istər buraxılış, istər qəbul imtahanlarında, istər beynəlxalq qiymətləndirmələrdə göstərdiyi nəticələr yüksək olur: “Bu isə onu deməyə əsas verir ki, Sumqayıt şəhərində həmişə təhsil ənənələri olub. Bu da ondan irəli gəlir ki, şəhər özü formalaşanda buraya çoxlu sayda alimlər, mühəndislər gəlib və şəhərdə böyük intellektual potensial qurub. Növbəti nəsillər də təhsilə önəm vermiş, bununla da Sumqayıtda təhsil ənənələri olan məktəblər formalaşıb".

Qeyd edək ki, “Təhsildə yeni çağırışlar” adlı regional konfransı Abşeron – Xızı Regional Təhsil İdarəsinin tabeliyindəki ümumi təhsil müəssisələrinin pedaqoji heyəti üçün keçirilib. 

Regional konfrans Məktəbəqədər və Ümumi Təhsil üzrə Dövlət Agentliyi və “T–Network” təhsil işçilərinin təcrübə və kommunikasiya platformasının təşkilatçılığı, Elm və Təhsil Nazirliyi, Təhsil İnstitutu, Azərbaycan Dövlət Pedaqoji Universiteti və Abşeron – Xızı Regional Təhsil İdarəsinin tərəfdaşlığı ilə təşkil olunub.