“Türk Dövlətləri Təşkilatına "Türk Ali Təhsil Məkanı yaradaq" təklifimiz qəbul edildi”.

“Azərbaycan müəllimi” xəbər verir ki, bu barədə Türkiyə Ali Təhsil Şurasının rəhbəri professor Erol Özvar Hitit Universiteti Texnologiya Mərkəzindəki çıxışında məlumat verib.

O, Ali Təhsil Şurası olaraq, Türk Dövlətləri Təşkilatına üzv dövlətlər üçün nəzərdə tutulmuş Türk Ali Təhsil Məkanının yaradılmasını təklif etdiklərini və bu mövzuda hazırladıqları layihənin Türk Dövlətləri Təşkilatının ali təhsil nazirlərinin görüşündə qəbul edildiyini bildirdi. Bu təklifin reallaşması üçün bəzi institusional strukturların lazım olduğuna işarə edən E.Özvar əlavə edib:

"Bunların əsasında Türk Dövlətləri Təşkilatı arasında tələbə və müəllimlərin hərəkətliliyini artırmaq məqsədi ilə bir ali təhsil fondunun yaradılması və universitetlərin öz aralarında tanınması və ekvivalentliyi prosesini asanlaşdırmaq üçün bütün akkreditasiya orqanlarını bir çətir altında birləşdirəcək birliyin yaradılması durur. Daha sonra Keyfiyyət Təminatı Agentliyinın və təşkilat daxilində Universitetlər Birliyinin yaradılması nəzərdə tutulur. Bu məqsədlə tərəfdaş universitetlərin və ya ikili diplom proqramlarının sayını artırmağı düşünürük”.

Bütün layihə təkliflərinin digər ölkələr tərəfindən qəbul edildiyini vurğulayan E.Özvar deyib: "Hörmətli Prezidentimiz Rəcəb Tayyib Ərdoğan Ali Təhsil Şurasının təklifini dəstəklədi və onu türk dünyasının bütün liderləri ilə bölüşdü. Proses davam edir".