“Türkiyədə 2025–2026-cı tədris ilindən məktəblərdə yenidən vahid geyim formasının tətbiqinə başlanacaq”.
“Azərbaycan müəllimi” xəbər verir ki, bunu Türkiyənin milli təhsil naziri Yusuf Tekin deyib.
Nazirin sözlərinə görə, gələn ildən pulsuz geyim kodu əvəzinə məktəblərdə yenidən forma geyimi məcburi olacaq: “Yeni dərs ili sentyabrın 8-də başlayacaq. Artıq yeni tədris ilindən məktəblərimizdə şagirdlər sərbəst geyim əvəzinə vahid geyim formasından istifadə etməlidirlər. Müəllim və idarəçi həmkarlarımız, eləcə də məktəb-ailə birlikləri bu istiqamətdə öz seçimlərini ediblər”.
Yusuf Tekin həmçinin “Türkiyə əsri təhsil modeli” çərçivəsində hazırlanan yeni kurrikulumla bağlı da məlumat verib: “Bu il 1, 5 və 9-cu siniflərdə tətbiq olunan proqram növbəti tədris ilində mərhələli şəkildə 2-ci, 6-cı və 10-cu siniflərdə də həyata keçiriləcək”.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər