Əminəm ki, Cəbrayıl məktəbliləri gələcəkdə buradakı müəssisələrdə mütəxəssis olaraq çalışacaqlar.
"Azərbaycan müəllimi" xəbər verir ki, bunu Cəbrayıl, Qubadlı və Zəngilan rayonlarında Azərbaycan Respublikası Prezidentinin xüsusi nümayəndəsi Vahid Hacıyev Cəbrayıl şəhər akademik Mehdi Mehdizadə adına tam orta məktəbdə ilk dərs günü ilə bağlı keçirilən tədbirdə çıxışı zamanı deyib.
O bildirib ki, oktyabrın 4-ü Cəbrayıl şəhərində tikilən 38 binada 128 mənzil təhvil verilib. Bu gün artıq akademik
Mehdi Mehdizadə adına Cəbrayıl şəhər tam orta məktəbin açılışı olub:
"Biz Cəbrayılı bu gün artıq sıfırdan qururuq. Bu şəhər təkcə binalardan, bağçalardan, məktəblərdən ibarət deyil. Burada nəhəng infrastruktur layihələr həyata keçirilir. Cəbrayılda 5 böyük müəssisə qurulub ki, orada minlərlə insan çalışacaq. Əminəm ki, bu gün bu məktəbdə təhsil alan insanlar gələcəkdə o müəssisələrin mütəxəssisi olaraq çalışacaqlar və Cəbrayılın inkişafına dəstək verəcəklər".
O, sonda müəllim və şagirdləri Cəbrayıl şəhər akademik Mehdi Mehdizadə adına tam orta məktəbdə ilk dərs günü münasibətilə təbrik edib, onlara uğurlar arzulayıb.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2024 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər (0)