Pakistanda təqaüdlə təhsil proqramı ELAN EDİLİB
Pakistan İslam Respublikasının İqra Universiteti tərəfindən 2026–2027-ci tədris ili üzrə Azərbaycan Respublikasının şəhid və qazi övladları üçün “İlyas Hüseynov adına Qəhrəmanların Övladları üçün Təqaüd Proqramı” elan edilir.
Bu barədə "Azərbaycan müəllimi"nə Elm və Ali Təhsil üzrə Dövlət Agentliyindən məlumat verilib.
Bildirilib ki, təqaüd proqramı çərçivəsində bakalavriat və magistratura (MS/MPhil) səviyyələrində kompüter elmləri, proqram mühəndisliyi, süni intellekt, biznesin idarə edilməsi, beynəlxalq münasibətlər, ingilis dili, media, səhiyyə elmləri, əczaçılıq, moda və dizayn istiqamətləri üzrə təhsil almaq imkanı yaradılır.
Təqaüd proqramına müraciət üçün son tarix 31 avqust 2026-cı il müəyyən edilib.
Ətraflı məlumatı elan vasitəsilə əldə edə bilərsiniz: https://view.officeapps.live.com/op/view.aspx...
