Türkiyədə məktəbli avtobusu dərəyə aşdı: 9 yaralı
Türkiyənin Adana vilayətinin Ceyhan rayonunda şagirdləri daşıyan servis mikroavtobusu yol kənarındakı dərəyə düşüb.
"Azərbaycan müəllimi" Türkiyə KİV-nə istinadən xəbər verir ki, qəza nəticəsində ümumilikdə 9 nəfər xəsarət alıb. Yaralılardan 2-nin vəziyyətinin ağır olduğu, digər şəxslərin isə vəziyyətinin qənaətbəxş olduğu bildirilir.
Hadisə yerinə ətrafdakıların məlumatı əsasında yanğınsöndürən, təcili tibbi yardım və jandarma əməkdaşları cəlb olunub. Nəqliyyat vasitəsində yaralanan sürücü və 8 şagird yanğınsöndürənlər tərəfindən çıxarılaraq tibb işçilərinə təhvil verilib.
Faktla bağlı araşdırma aparılır.
