Universitetlərdə tədqiqat fondları yaradılsın – TƏKLİF
"Təhsil sahəsində həyata keçirilən ən uğurlu layihələrdən biri ikili diplom proqramlarıdır. Azərbaycan və xarici universitetlər arasında həyata keçirilən bu proqramlar ali məktəblərimizin imkanlarının, beynəlxalq təcrübəsinin artmasına səbəb olur".
"Azərbaycan müəllimi" xəbər verir ki, bunu Milli Məclisin martın 14-də keçirilmiş plenar iclasında deputat Fariz İsmayılzadə səsləndirib.
"Mən çox istərdim ki, bu proqram davam etsin. Artıq ikili diplom proqramının birinci fazası başa çatıb və onun davam etdirilməsini məqsədəuyğun hesab edirəm”, – deyə qeyd edib.
Fariz İsmayılzadə universitetlərdə tədqiqat fondlarının yaradılması ilə bağlı təklif də irəli sürüb:
"Universitetlərimiz ənənəvi olaraq təhsillə məşğul olurlar. Çox yaxşı olardı ki, tədqiqat işləri də artsın. Bunun üçün tədqiqat fondlarının yaradılmasını məqsədəuyğun hesab edirəm”.
