Yoxlama aparıldı, təhsil sektorunun müdiri işdən çıxarıldı
Məktəbəqədər və Ümumi Təhsil üzrə Dövlət Agentliyi və Gəncə-Daşkəsən Regional Təhsil İdarəsi tərəfindən Goranboy-Naftalan rayonları üzrə təhsil sektorunda nəzarət-yoxlama tədbirləri həyata keçirilib.
Bu barədə “Azərbaycan müəllimi”nə Gəncə-Daşkəsən Regional Təhsil İdarəsindən məlumat verilib.
Aparılmış nəzarət-yoxlama tədbirlərinin nəticəsinə əsasən, Goranboy-Naftalan rayonları üzrə təhsil sektorunun müdiri Xəyal Məmmədov tutduğu vəzifəsindən azad edilib.
