Attestat və diplomunu itirənlərin NƏZƏRİNƏ!
Artıq attestat və ya diplomun itirilməsi, yaxud zədələnməsi hallarında dublikatlar kağız daşıyıcıda deyil, yalnız elektron qaydada təqdim olunacaq.
“Azərbaycan müəllimi” xəbər verir ki, bunu Təhsil Sisteminin İnformasiyalaşdırılması İdarəsinin rəisi Vüsal Xanlarov jurnalistlərə açıqlaması zamanı deyib.
O qeyd edib ki, yeni qayda qüvvəyə mindiyi tarixədək verilmiş təhsil haqqında dövlət sənədləri itirildikdə və ya korlandıqda diplom alan şəxsin müraciətinə əsasən elektron sənəd formasında yaradılan diplomun dublikatı təqdim ediləcək.
