“Biologiya olimpiadasının gələcək çempionları" layihəsi fəaliyyətə başlayıb
İsmayıllı şəhərində “Biologiya olimpiadasının gələcək çempionları" layihəsi fəaliyyətə başlayıb.
"Azərbaycan müəllimi" xəbər verir ki, Ağahüseyn Aslanov adına 2 nömrəli tam orta məktəbdə İsmayıllının təhsil ictimaiyyəti nümayəndələrinin, 30-dan çox məktəblinin iştirakı ilə layihənin açılış tədbiri keçirilib.
Layihə rəhbəri 2 nömrəli tam orta məktəbin biologiya müəllimi Qumru Həmidova bildirib ki, məqsəd İsmayıllı rayon ümumtəhsil məktəblərində təhsil alan şagirdlərin biologiya fənn müsabiqələrinə hazırlaşmasına dəstək göstərməkdir.
Aprelin 7-dək İsmayıllı məktəblərində təhsil alan 60 nəfər 7-ci sinif şagirdinin respublika fənn müsabiqəsinə hazırlaşdırılması nəzərdə tutulur.
