Yeni tədris ilində bir sıra fənlər üzrə yeni dərsliklər istifadəyə veriləcək.
Bunu Təhsil İnstitutundan “Azərbaycan müəllimi”nin sorğusuna cavab olaraq bildiriblər.
Məlumata görə, ARTİ-nin təşkilatçılığı ilə hazırlanan, 8-ci siniflər üçün “Kimya”, “Fizika”, “Biologiya” (Azərbaycan və rus bölməsi üzrə), 7-ci siniflər üçün “Coğrafiya” (Azərbaycan və rus bölməsi üzrə), 6-cı siniflər üçün “Riyaziyyat”, “Azərbaycan dili” (tədris dili), “Математика”, “Azərbaycan dili” (dövlət dili), “Game changer” (ingilis dili fənni üzrə), 3-cü siniflər üçün isə “Həyat bilgisi” (Azərbaycan və rus bölməsi üzrə) dərslikləri ümumtəhsil müəssisələrində şagirdlərin istifadəsinə veriləcək.
Təhsil İnstitutundan həmçinin bildirilib ki, hazırda yeni kurikulumlar əsasında müxtəlif fənlər üzrə yeni dərsliklərin hazırlanması prosesi davam etdirilir. Belə ki, 9-cu sinif üzrə “Kimya”, “Fizika”, “Biologiya” və “Coğrafiya”, 8-ci sinif üzrə “Coğrafiya”, “Riyaziyyat”, “Azərbaycan dili” (tədris dili), 7-ci sinif üzrə “Riyaziyyat”, “Azərbaycan dili” (tədris dili), “Математика”, “Azərbaycan dili” (dövlət dili) və “Game changer”, 4-cü sinif üzrə isə “Həyat bilgisi” fənlərinin dərslikləri ilkin sınaq məqsədilə respublikanın müxtəlif məktəblərində pilot qaydada tətbiq olunacaq.
1 /13
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər