“Cari ildə orta statistik olaraq xarici kvalifikasiyaların 81 faizi tanınıb”.

“Azərbaycan müəllimi” xəbər verir ki, bunu Təhsildə Keyfiyyət Təminatı Agentliyinin İdarə Heyətinin sədri Tural Əhmədov media nümayəndələri üçün təşkil edilmiş brifinqində deyib.

O qeyd edib ki, il ərzində xarici kvalifikasiyaların tanınması ilə bağlı 6013 müraciət üzrə ekspertiza həyata keçirilib. Nəticədə 4891 müraciətə müsbət rəy verilib və müraciət edənıərə xaricdə əldə olunan kvalifikasiyaların tanınması haqqında şəhadətnamələr təqdim olunub. Digər 1122 müraciət üzrə mənfi rəy verilib və onların ali təhsil üzrə ixtisaslarının ölkə ərazisində tanınmaması haqqında qərar verilib”. 

T.Əhmədov əlavə edib ki, ən çox müraciətlər Rusiya (1841), Türkiyə (1616), Ukrayna (1377), Gürcüstan (296) və Birləşmış Krallıqdan (189) əldə olunan kvalifikasiyalar üzrə qeydiyyata alınıb. Ən çox müraciət olunan ixtisaslar siyahısına hüquqşünaslıq, maliyyə, iqtisadiyyat, biznesin idarəedilməsi və tibb daxildir:

“Bununla yanaşı, ali təhsil sənədlərinə ən çox imtina verilmiş ali təhsil müəssisələrinin siyahısı (https://tkta.edu.az/p/en-cox-imtina-alan- universitetlerin siyahisi) və yerli akkreditasiyası olmayan ali təhsil sənədlərinə imtina verilmiş ali təhsil müəssisələrinin siyahısı (https://tkta.edu.az/p/diplomlari-taninmayan-universitetlerin siyahısı) ictimaiyyətə təqdim edilib. TKTA ali təhsil müəssisəsi seçməzdən əvvəl qeyd olunan siyahıları nəzərdən keçirməyi ciddi şəkildə tövsiyə edir”.