Konya Texniki Universitetinin (KTU) rektoru professor Osman Nuri Çelik və baş katib Kamil Gök Azərbaycan Memarlıq və İnşaat Universitetinin (AzMİU) qonağı olub.
Universitetdən “Azərbaycan müəllimi”nə verilən məlumata görə, qonaqlar AzMİU-nun rektoru professor Gülçöhrə Məmmədova ilə görüşüblər. Görüşdə universitetin rəhbər heyəti də iştirak edib. Tanışlıq və əməkdaşlıq imkanlarının müzakirəsinə həsr olunan görüş zamanı tərəflər elm, təhsil, startap təşəbbüsləri və beynəlxalq layihələr üzrə birgə fəaliyyət istiqamətlərini nəzərdən keçiriblər.
Qeyd edək ki, AzMİU ilə KTU arasında 21 yanvar 2025-ci il tarixində onlayn formatda əməkdaşlıq müqaviləsi imzalanıb. Bundan əvvəl, 2024-cü ilin noyabrında AzMİU nümayəndələri KTU-nun prorektoru professor Hüseyin Deveci ilə görüşərək universitetlərin beynəlxalq reytinq göstəriciləri və elmi əməkdaşlıq imkanları barədə fikir mübadiləsi aparıblar.
Görüşdən sonra Konya Texniki Universitetinin nümayəndələri AzMİU-nun infrastruktur imkanları ilə tanış olub, imtahan sessiyasını izləyiblər.
AzMİU ilə KTU arasında qurulan əlaqələrin gələcəkdə ikili diplom proqramları, birgə tədqiqat layihələri və tələbə-müəllim mübadiləsi kimi istiqamətlərdə genişlənəcəyi gözlənilir.
1 /9
.jpeg)
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər