“İki il ərzində Qarabağ Universitetinin geniş kampusunun inşası nəzərdə tutulur. Universitetin tədqiqat yönümlü, elmi nəticələrə əsaslanan və beynəlxalq rəqabətədavamlı ali təhsil müəssisəsinə çevrilməsi əsas hədəflərdəndir”.
Bu fikirləri elm və təhsil naziri Emin Əmrullayev Qarabağ Universitetində Azərbaycan Milli Elmlər Akademiyasının (AMEA) 80 illik yubileyinə həsr olunmuş “AMEA-da Qarabağnamə ənənəsi və müasir dövr” adlı elmi konfransda çıxışı zamanı səsləndirib.
Nazir bildirib ki, yaxın iki il ərzində Qarabağ Universitetinin kampusu inşa olunacaq, fakültələrin sayı isə 10-a çatdırılacaq. “Bu il artıq Qarabağ Universitetinin klinikası da istifadəyə verilib. O da regionun ən böyük klinikalarından biri olacaq”, – deyə o əlavə edib.
Emin Əmrullayev qeyd edib ki, universitetin tədqiqat yönümlü ali təhsil müəssisəsinə çevrilməsi istiqamətində işlər davam etdirilir:
“Qarabağ Universiteti ilə bağlı baxış ondan ibarətdir ki, bu müəssisə sözün əsl mənasında beynəlxalq rəqabətə cavab verən, elmlə məşğul olan və bunu real nəticələrlə sübut edən bir ali təhsil müəssisəsinə çevrilsin. Bununla bağlı Azərbaycan Prezidentinin dəstəyi və qayğısını hiss edirik”.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər