“Elm sahəsinə uzun müddət yetərli qədər investisiyanın qoyulmaması nəticəsində xüsusilə gənclərin elmi fəaliyyətlərdə iştirakı arzuolunan səviyyədə deyil”.
Bu fikirləri elm və təhsil naziri Emin Əmrullayev Qarabağ Universitetində Azərbaycan Milli Elmlər Akademiyasının (AMEA) 80 illik yubileyinə həsr olunmuş “AMEA-da Qarabağnamə ənənəsi və müasir dövr” adlı elmi konfransda çıxışı zamanı səsləndirib.
Nazir qeyd edib ki, hazırda ali təhsil və elm bir-birindən ayrı görülmür:
“Ali təhsilin olması üçün mütləq elm olmalıdır. Elm tədris prosesinin əsasını təşkil edir”.
Emin Əmrullayev əlavə edib ki, 2022-ci ildə Prezident İlham Əliyevin müvafiq fərmanı ilə nazirliyin adı dəyişdirilərək Elm və Təhsil Nazirliyi adlandırılıb və müəyyən elmi-tədqiqat institutları nazirliyin tabeliyinə verilib.
Onun sözlərinə görə, 2024-cü ildə Azərbaycanda elmi tədqiqatların sayı ötən illə müqayisədə iki dəfədən çox artıb: “İnanıram ki, bu say daha da artacaq. Eyni zamanda, xaricdə təhsil proqramı çərçivəsində hər il ölkədən kənara göndərilən gənclərin vətənə qayıtması nəticəsində mühüm elmi uğurların şahidi olacağıq”.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər