"4Sİ Akademiyası - Milli Proqram" Oksford Universitetində təqdim olunub
4SİM-in Rəqəmsal İqtisadiyyat şöbəsinin rəhbəri Xəyalə Fətullayeva Böyük Britaniyanın Oksford Universitetinin “Saïd Business School” məktəbində keçirilən “Ali təhsilin gələcəyi 2026” (The Future of Higher Education 2026) beynəlxalq tədbirində spiker qismində iştirak edib.
"Azərbaycan müəllimi" xəbər verir ki, “İnnovasiya layihələri və onların təsiri” adlı paneldə çıxış edən şöbə rəhbəri “4Sİ Akademiyası - Milli Proqram” və onun insan kapitalının inkişafına verdiyi töhfələri, Azərbaycanın rəqəmsal bacarıqların inkişafı sahəsində əldə etdiyi təcrübəni və tətbiq olunan innovativ yanaşmaları iştirakçılarla bölüşüb.
Tədbir ali təhsil sahəsində fəaliyyət göstərən liderləri bir araya gətirərək süni intellektin təhsilə təsiri, ali təhsilin gələcəyi, qabaqcıl təcrübələrin paylaşılması və yeni əməkdaşlıq imkanlarının müzakirəsi üçün mühüm platforma rolunu oynayıb.
