ADA-nın dekanı: Müəllimlərin karyera inkişafı mexanizmləri gücləndirilməlidir
“Məktəb, valideyn və icma arasında qarşılıqlı əməkdaşlıq modeli hələ istənilən səviyyədə deyil”.
Bunu “Azərbaycan müəllimi”nə ADA Universitetinin Təhsil fakültəsinin dekanı Ülviyyə Mikayılova deyib.
O qeyd edib ki, ictimai dövlət idarəetmə modelinə keçid təmin edilməlidir.
Ülviyyə Mikayılova əlavə edib ki, müəllimlərin yalnız maddi stimullaşdırılması deyil, həm də karyera inkişafı mexanizmlərinin gücləndirilməsi vacibdir:
“Hazırda müəllim pensiyaya qədər eyni statusda qalır. Amma bir çox ölkələrdə mərhələli karyera sistemi tətbiq edilir və bu, müəllimləri daha çox inkişaf etməyə həvəsləndirir”.
