Fiziki tərbiyə üzrə sertifikatlaşdırma imtahanında bu suallar düşəcək – Test nümunələri
"Fiziki tərbiyə müəllimləri sertifikatlaşdırma imtahanında informasiya təminatı və nəzəri biliklər üzrə 30 sual, hərəki qabiliyyətlər üzrə 20 sual olmaqla, ümumilikdə 50 suala cavab verməli olacaqlar".
“Azərbaycan müəllimi” xəbər verir ki, bunu Azərbaycan Respublikasının Təhsil İnstitutu (ARTİ) tərəfindən fiziki tərbiyə fənni üzrə sertifikasiyaya hazırlıq məqsədilə təşkil edilən vebinarda Bakı şəhəri 242 nömrəli tam orta ümumtəhsil məktəbinin fiziki tərbiyə müəllimi Asəf Mehdiyev söyləyib.
O qeyd edib ki, informasiya təminatı və nəzəri biliklər bölməsi "Fiziki tərbiyənin nəzəriyyəsi və metodikası", "Fiziki tərbiyə dərsinin təşkili və keçirilməsi", "Sağlamlıq", "Fiziki tərbiyə fənni üzrə qiymətləndirmə", "Olimpiya hərəkatı", "İdman növləri, tarixi və oyun qaydaları", "Sıra hərəkətləri", "İlk yardımın göstərilməsi" mövzuları daxildir.
Hərəki qabiliyyətlər bölməsi isə "Hərəki qabiliyyətlərin inkişaf etdirilməsi" mövzusunu əhatə edir.
Vebinarın sonunda sertifikatlaşdırma imtahanına aid test nümunələri təqdim edilib.
