Kimya fənni üzrə seçim imtahanı keçiriləcək
Oktyabrın 11-də Təhsil Texnologiyaları Mərkəzində kimya fənni üzrə seçim imtahanı keçiriləcək.
Bu barədə "Azərbaycan müəllimi"nə Təhsil İnstitutundan məlumat verilib.
Bildirilib ki, imtahanın nəticələrinə əsasən bu fənn üzrə növbəti hazırlıq və seçim mərhələlərinə cəlb olunacaq şagirdlər müəyyənləşdiriləcək.
İmtahanda 2025–2026-cı tədris ili üzrə Respublika Fənn Olimpiadasının (RFO) kimya fənni üzrə final turunda iştirak etmiş şagirdlər iştirak edə bilərlər.
Tarix: 11 oktyabr 2026-cı il
İmtahanın başlanma vaxtı: 10:00
Ünvan: Təhsil Texnologiyaları Mərkəzi, Bakı şəhəri, Nərimanov rayonu, Fətəli Xan Xoyski küçəsi 109
İştirakçıların ən gec saat 09:30-da imtahan mərkəzində olmaları xahiş olunur.
Şagirdlər imtahana gələrkən özləri ilə şəxsiyyət vəsiqəsi və kalkulyator gətirməlidirlər.
