Məktəblərdə 20 Yanvara həsr olunmuş xüsusi dərslər keçiriləcək
20 Yanvar faciəsinin 35-ci ildönümü ilə bağlı Elm və Təhsil Nazirliyinin Tədbirlər Planı təsdiq edilib.
"Azərbaycan müəllimi" xəbər verir ki, bu barədə elm və təhsil naziri Emin Əmrullayev əmr imzalayıb.
Əmrə əsasən, 17-18 yanvar tarixlərində bütün təhsil müəssisələrində 20 Yanvar faciəsinə həsr olunmuş xüsusi dərslər keçiriləcək.
Bundan başqa, məktəblərdə müvafiq tədbirlərin, kitab, foto və rəsm sərgilərinin, ədəbi-bədii kompozisiyaların, "dəyirmi masa"ların təşkili nəzərdə tutulub.
