Yubileyləri olan təhsil işçiləri təltif olunublar
Bakı Şəhəri üzrə Təhsil İdarəsinin (BŞTİ) tabeliyindəki ümumi təhsil məktəblərində çalışan, 2024-cü ildə yubileyi olan məktəb direktoru və direktor müavinləri təltif edilib.
Bu barədə “Azərbaycan müəllimi”nə BŞTİ-dən məlumat verilib. Tədbirdə Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyinin (MÜTDA) direktor müavini, BŞTİ-nin müdiri vəzifəsini müvəqqəti icra edən Nərminə Hüseynova, İdarənin müdir müavinləri, məktəb direktorları, direktor müavinləri iştirak ediblər.
Tədbir iştirakçılarını salamlayan BŞTİ-nin müdiri vəzifəsini müvəqqəti icra edən Nərminə Hüseynova müqəddəs peşə sahibləri olan müəllimləri təbrik edib, xalqın gələcəyi üçün layiqli vətəndaş, hərtərəfli inkişaf etmiş şəxsiyyət yetişdirmək işində göstərdikləri fədakarlığa görə minnətdarlığını bildirib.
İdarə müdiri müəllim nüfuzunun artırılması, nüfuzlu təhsilverənlərin formalaşdırılması istiqamətində dövlətin təhsil siyasətinə uyğun olaraq məqsədyönlü tədbirlərin həyata keçirildiyini diqqətə çatdırıb. Təhsil işçilərinin sosial müdafiəsinin möhkəmləndirilməsi istiqamətində görülən işlərdən bəhs edən N.Hüseynova müəllimlərin dövlətin hərtərəfli qayğısı ilə əhatə olunduğunu vurğulayıb.
BŞTİ-nin müdir müavini Anar Məmmədov işə qəbul çərçivəsində aparılan şəffaf seçimlər, təhsilverənlərin sertifikatlaşdırılması nəticəsində müəllimliyin rəqabətli peşəyə çevrildiyini, müəllim peşəsinə marağın artdığını diqqətə çatdırıb. A.Məmmədov ölkəmizin intellektual potensialının gücləndirilməsi yolunda yorulmadan fəaliyyət göstərən təhsilverənlərə gələcək işlərində uğurlar arzulayıb.
Mərasimdə çıxış edənlər onlara göstərilən diqqət və qayğıya görə təşəkkürlərini bildirib, cəmiyyətin, millətin, ümumilikdə Azərbaycanın gələcək inkişafı üçün layiqli vətəndaşlar yetişdirmək yolunda səylə çalışacaqlarını ifadə ediblər.
Daha sonra pedaqoji fəaliyyətində səmərəli xidmətlərinə görə, həmçinin 2024-cü ildə yubileyi olan məktəb direktorlarına, direktor müavinlərinə BŞTİ-nin Həmkarlar İttifaqı Komitəsi tərəfindən Fəxri Fərman və hədiyyələr təqdim olunub.
1 /10
Digər xəbərlər
Yaşıl gələcəyin təməli: Məktəbəqədər təhsildə iqlim həssaslığı
LDU-nun nümayəndə heyəti Qazi Universitetində olub
“BilBacar” müsabiqəsinin noyabr ayı üzrə “Hazırlıq” mərhələsinə start verilib
BDU komandasının “SuperCapBack” layihəsi beynəlxalq müsabiqənin finalına vəsiqə qazanıb
BMU-da kibertəhlükəsizliyə dair silsilə təlimlər təşkil edilib
LDU-nun nümayəndə heyəti Ankara Universitetində olub
SDU ilə Daşkənd İnformasiya Texnologiyaları Universiteti arasında Anlaşma Memorandumu imzalanıb
SDU ilə AlmaU arasında qarşılıqlı əməkdaşlığın gələcək perspektivləri müzakirə olunub
BDU ilə Vyetnamın Jurnalistika və Kommunikasiya Akademiyası əməkdaşlıq edəcək
“Yaşıl və rəqəmsal transformasiyalar: qarşılıqlı təsirləri, pozitiv və neqativ aspektləri” - elmi-praktik konfrans keçirilib
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
2024 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər (0)