Respublika fənn olimpiadalarına qeydiyyat başlayır
26 noyabr saat 15:00-dan etibarən respublika fənn olimpiadalarında iştirak üçün elektron qaydada qeydiyyat prosesinə başlanılacaq. Nəzərinizə çatdıraq ki, qeydiyyat prosesi 9 dekabr tarixinədək davam edəcək.
“Azərbaycan müəllimi” xəbər verir ki, şagirdlər https://portal.edu.az/ platforması üzərindən qeydiyyatdan keçməklə “Müsabiqə və olimpiadalar” bölməsində müvafiq elektron xidmətdən faydalana bilərlər.
Respublika fənn olimpiadalarının rayon (şəhər) mərhələsi informatika fənni üzrə VIII-IX siniflər üçün 28 dekabrda, X-XI siniflər üçün 29 dekabrda, digər fənlər üzrə isə 22 dekabrda əvvəlcədən müəyyənləşdirilmiş mərkəzlərdə keçiriləcək.
Fənn olimpiadalarının keçirilməsində əsas məqsəd şagirdlərdə keyfiyyətli təhsil alma, biliklərə marağı artırmaq və özünə inam hisslərini gücləndirmək, ayrı-ayrı fənlər üzrə istedadı və yaradıcı təfəkkürü ilə fərqlənənləri aşkar etməklə onların potensial imkanlarının inkişafını təşkil etmək istiqamətində tədbirlər müəyyənləşdirmək, şagirdlərin ixtisas və peşə seçiminə hazırlanması üçün zəmin yaratmaqdan ibarətdir.
VIII-XI sinif şagirdlərinin iştirak etdiyi respublika fənn olimpiadaları riyaziyyat, fizika, kimya, biologiya, informatika, Azərbaycan dili və ədəbiyyat, coğrafiya və tarix olmaqla 8 fənn üzrə təşkil olunur.
Olimpiadalar rayon (şəhər) və respublika olmaqla iki mərhələdən ibarətdir. Respublika mərhələsi isə yarımfinal və final turları olaraq keçirilir.
Qeydiyyat prosesi ilə bağlı yaranan hər hansı çətinliklə əlaqədar qeyd olunan nömrəyə (+994507914631) “Whatsapp” üzərindən problemin ətraflı təsvirini yazaraq müraciət edə bilərsiniz.
Qeyd edək ki, respublika fənn olimpiadaları “Kapital Bank”ın baş sponsorluğu ilə təşkil edilir.
Digər xəbərlər
Gəncə Tibb Kollecinin direktoru vəzifəsindən azad edilib
DP məzunları BMT-nin "Confrence of Youth-COY19" tədbirində iştirak ediblər
.jpg)
Direktorların işə qəbulu üzrə müsabiqənin elektron sənəd qəbulu başlayıb
Azərbaycanda “avtobus-bağça"lar fəaliyyətə başlayacaq
%20%C3%90%C2%9A%C3%90%C2%BE%C3%90%C2%BF%C3%90%C2%B8%C3%91%C2%8F%20Sayt.-Fon%20-%20%C3%90%C2%BA%C3%90%C2%BE%C3%90%C2%BF%C3%90%C2%B8%C3%91%C2%8F%20-%20%C3%90%C2%BA%C3%90%C2%BE%C3%90%C2%BF%C3%90%C2%B8%C3%91%C2%8F%20-%20%C3%90%C2%BA%C3%90%C2%BE%C3%90%C2%BF%C3%90%C2%B8%C3%91%C2%8F%20-%20%C3%90%C2%BA%C3%90%C2%BE%C3%90%C2%BF%C3%90%C2%B8%C3%91%C2%8F%20(4).png)
“Praktik riyaziyyat” adlı yeni metodik vəsait nəşr olunub
Felesiti Gilespi: Uşağın 22 aylıq inkişafı 26 yaşındakı təhsil göstəricisini müəyyən edir
İSİ-də Yunanıstanın Thessaly Universitetinin nümayəndələri ilə görüş keçirilib
“Data analitikası və təhsil tədqiqatları” işçi qrupunun təlim görüşləri davam edir
Naxçıvanın Təhsil Nazirliyində və rayon təhsil şöbələrində yeni təyinatlar olub
SABAH tələbə-məzun forumu və karyera sərgisi keçirilib
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
2024 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər (0)