Bütün xəbərlər
3 iyul, 14:43

ABŞ-nin San Antonio şəhərində keçirilən ISTE təhsil konfransında "Google" şirkəti təhsildə süni intellektin tətbiqi ilə bağlı əhəmiyyətli yenilikləri elan edib. Bu yeniliklər çərçivəsində şirkət süni intellekti əlavə funksiya kimi deyil, təhsilin əsas sütunu kimi təqdim edib. Yeni imkanların daha çox "Google Classroom" platformasında hiss olunacağı vurğulanıb.

“Azərbaycan müəllimi” xəbər verir ki, "Google Classroom"dakı yeniliklər sayəsində müəllimlər artıq dərs planları hazırlamaq, lüğət siyahıları tərtib etmək, testlər və riyaziyyat tapşırıqları yaratmaq, valideyn məktublarının layihəsini yazmaq və sinif materiallarını oyunlaşdırmaq kimi funksiyalardan süni intellekt dəstəyi ilə istifadə edə biləcəklər.

Mütəxəssislərin sözlərinə əsasən, "Google"un süni intellekt platforması olan "Gemini"nin bütün "Google Workspace for Education" istifadəçiləri üçün pulsuz şəkildə əlçatan olması ilə dünya üzrə milyonlarla müəllim və şagird premium səviyyəli süni intellekt imkanlarından əlavə xərc olmadan istifadə edə biləcəklər.

"Google"un təhsil üzrə vitse-prezidenti Şantanu Sinha bildirib ki, şirkət sadəcə yeni funksiyalar əlavə etmir, eyni zamanda süni intellekt dövründə tədris və öyrənməni yenidən qurur. 

"Google"un təqdim etdiyi yeniliklər arasında "NotebookLM" və "Gems" adlı iki mühüm vasitə də var. "NotebookLM" tədqiqat və yazı işlərində tələbələrə kömək edən, "Gems" isə müəllimlər tərəfindən yaradılan və şagirdlərə fərdi şəkildə dəstək verən süni intellektli “rəqəmsal köməkçilər”dir. Bu alətlər həm dərs zamanı, həm də dərsdən sonra şagirdlərin öyrənməsini dəstəkləyəcək.

Tədrisdə vizual ünsiyyətin gücünü nəzərə alan "Google" "Google Vids" platformasını da təhsil üçün genişləndirib. İndi müəllimlər və şagirdlər öz tədris videolarını yarada, layihələrini təqdim edə və video əsaslı öyrənməni asanlıqla tətbiq edə bilərlər.

Sonda qeyd edək ki, "Google"un bu təşəbbüsləri süni intellektin təhsildə daha geniş və bərabər imkanlarla tətbiqini təmin edir. Pulsuz təklif edilən bu güclü alətlər, müəllimlərin iş yükünü azaldaraq tədrisin keyfiyyətini artırmaq məqsədi daşıyır və şagirdlər üçün fərdi öyrənmə imkanlarını genişləndirir.

Alidə Məmmədova,
III “Maarifçi” tələbə-məzun təcrübə proqramının iştirakçısı

Şərhlər

Xəbər lenti

30 iyul, 17:27

Məktəbəqədər təhsil uşaqların uğurlu gələcəyinin əsasını qoyur – İlahə Rəsulova

30 iyul, 17:11

ETN-də ictimai birliklər ilə tərəfdaşlıq məsələləri müzakirə olunub

30 iyul, 16:16

Həvəsləndirmə tədbirləri tətbiq olunan məktəblər üzrə vakansiya seçimi başlayır

30 iyul, 16:10

MÜTDA: Sertifikatlaşdırmada uğur qazanmayanların sosial vəziyyəti diqqətdə saxlanılır

30 iyul, 16:03

MİQ-də yenilik: Müəllimlərin yaşadıqları ərazidəki məktəblərə yerləşdirilməsinə üstünlük veriləcək 

30 iyul, 16:00

MÜTDA: Məktəbli geyiminə görə hansısa satış məntəqəsinə yönləndirilmə yolverilməzdir

30 iyul, 15:57

Sertifikatlaşdırmanın müsahibə mərhələsinin vaxtı açıqlandı

30 iyul, 15:52

MÜTDA: 8 yaşı tamam olmuş uşaqlar fərdi təhsilə cəlb edilirlər

30 iyul, 15:45

55 minə yaxın uşaq məktəbəhazırlıq qruplarına qəbul edilib

30 iyul, 15:44

121 min uşağın birinci sinfə qəbulu tamamlanıb

30 iyul, 15:40

Bu il 41 bağça müdiri işdən çıxarılıb

30 iyul, 15:36

MÜTDA: İlk dəfə “Oyuncaq siyasəti” sənədi hazırlanıb

30 iyul, 15:32

Gələn ilin sonunadək bağça müəllimləri sertifikasiyadan keçəcəklər

30 iyul, 15:28

Vakant bağça müdiri və müəllim yerlərinin sayı açıqlanıb

30 iyul, 15:24

11 yeni bağça açılacaq

30 iyul, 15:22

İlahə Rəsulova: Ehtiyac olan bağçalarda əlavə qruplar yaradılır

30 iyul, 15:15

Bu günədək 32 381 uşaq bağçaya qəbul edilib

30 iyul, 14:12

Bərpa olunan enerji üzrə yeni emalatxanalar istifadəyə verilib

30 iyul, 13:07

Peşə Təmayüllü Siniflər üçün proqramların yenilənməsi üzrə “dəyirmi masa” keçirilib

30 iyul, 12:43

Naxçıvanda təhsildən yayınan 33 uşağın dərsə davamiyyəti bərpa edilib

Digər xəbərlər

Digər xəbərlər tapılmadı

Search not found

Qəzetimizə abunəlik

"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun

2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.