Yenilənmiş Gəncə şəhəri M.Füzuli adına 22 nömrəli tam orta məktəb və Goranboy şəhəri 4 nömrəli tam orta ümumtəhsil məktəbinə X sinif şagirdlərinin qəbulu ilə bağlı maarifləndirici görüşlərə start verilib. 

“Azərbaycan müəllimi” xəbər verir ki, görüşlər çərçivəsində tam orta məktəb layihəsi həyata keçirilən ümumi təhsil müəssisələri barədə ətraflı məlumat verilib. 

Tam orta məktəb layihəsi çərçivəsində 9 illik ümumi orta təhsil səviyyəsi üzrə buraxılış imtahanlarında 150 və daha çox bal toplayan şagirdlərin qəbulu həyata keçirilir. Qəbul yalnız Azərbaycan bölməsi üzrədir. 

Qeyd edək ki, 2025–2026-cı tədris ilində yenilənmiş, yüksək səviyyəli təhsil proqramında

İxtisaslaşdırılmış fənn kabinetləri;

İxtisaslı kadr təminatı; 

Karyera yönümlü və peşə hazırlığı; 

Psixoloji və sosial dəstək xidmətləri;

Texnologiya əsaslı tədris; 

İştirakçı idarəetmə;

İxtisas qruplarına uyğun intensivləşdirilmiş tədris planları;  

Təcrübəli və peşəkar müəllim heyəti;  

Aylıq bilik və bacarıqların qiymətləndirilməsi məqsədi ilə sınaq imtahanlarının təşkili;

Şagirdlərin hərtərəfli inkişafını təmin edən məktəbdənkənar fəaliyyətlər.

Qeydiyyat üçün linkə daxil ola bilərsiniz.

Nəzərinizə çatdırırıq ki, qeydiyyatı təsdiqləmək üçün 5 iş günü ərzində məktəbə müraciət edilməlidir.

Qeydiyyat üçün son tarix 25 avqustdur.