Sosial şəbəkələrdə Tovuz rayonu Mərdan Musayev adına Əlimərdanlı kənd tam orta ümümtəhsil məktəbinin müəlliminə zinət əşyasının alınması ilə bağlı video yayılıb.
Qazax-Tovuz Regional Təhsil İdarəsindən “Azərbaycan müəllimi”nə bildirilib ki, sözügedən video 24 may tarixində qeyri-iş günü, məktəbdənkənar ərazidə çəkilib və valideynlərin şəxsi təşəbbüsü ilə alınmış zinət əşyası müəllimə təqdim edilib.
Bununla əlaqədar olaraq, 5 iyun tarixində həmin müəllimə “Təhsilverənlərin etik davranış qaydaları”nı pozduğuna görə töhmət verilib.
Bildirilib ki, Məktəbəqədər və Ümumi Təhsil üzrə Dövlət Agentliyi və regional təhsil idarəsi tərəfindən məktəblərə təqdim olunmuş müvafiq təlimatlara, həmçinin “Təhsilverənlərin etik davranış qaydaları”na əsasən, müəllimlərə hər hansı qiymətli hədiyyə, maddi və ya qeyri-maddi nemətlərin və s. verilməsi yolverilməz hesab olunur.
Bu baxımdan valideynlərə bir daha müraciət edərək qeyd olunur ki, müəllim əməyinə dəyərin göstərilməsi mənəvi təşəkkür, əməkdaşlıq və hörmət çərçivəsində olmalıdır.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər