2024-cü ildə fəlsəfə doktoru elmi dərəcəsi alan kişi və qadınların statistikası açıqlanıb.
“Azərbaycan müəllimi” xəbər verir ki, bu barədə Azərbaycan Respublikasının Prezidenti yanında Ali Attestasiya Komissiyası məlumat yayıb.
Statistikaya görə, ən çox fəlsəfə doktorluğu elmi dərəcəsi filologiya sahəsində verilib. Burada 69 qadın və 12 kişi elmi dərəcə alıb. Bu göstərici digər sahələrlə müqayisədə xeyli yüksəkdir.
İqtisad elmləri sahəsində isə 27 kişi və 28 qadın fəlsəfə doktoru adına layiq görülüb. Tibb elmlərində 34 qadın, 6 kişi bu dərəcəni alıb. Biologiya üzrə 27 qadın, 3 kişi alim fəlsəfə doktoru adını qazanıb.
Memarlıq, milli təhlüksəzilik və hərb elmləri kimi sahələrdə isə kişi və qadın iddiaçıların sayı bərabər olub.
Statistika göstərir ki, qadın alimlər pedaqogika, filologiya, sənətşünaslıq, iqtisad, tibb elmləri, kimya və biologiya sahələrində daha fəaldırlar. Kişilər isə siyasi elmlərdə üstünlük təşkil edir.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2024 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər (0)