"Ənənəvi iş yerləri yüksək texnoloji və yaşıl işlərlə əvəz olunur, bu isə hökumətlərin insan resurslarının inkişafına xüsusi diqqət yetirməsini tələb edir".
"Azərbaycan müəllimi" xəbər verir ki, bunu əmək və əhalinin sosial müdafiəsi naziri Sahil Babayev “İqlim dayanıqlılığı üçün insan inkişafı üzrə Bakı Təşəbbüsü” mövzusunda keçirilən birgə iclasda deyib.
Nazir qeyd edib ki, hökumətlər əhalinin tam məşğulluğunu təmin etməli, onlara ləyaqətli həyat və iş şəraiti yaratmalıdır. Bu, yaşıl bacarıqların təşviqi və inkişafı ilə mümkündür.
Onun sözlərinə görə, Azərbaycanın peşə təlim mərkəzlərində illik 16 min insan yeni bacarıqlara yiyələnir:
"Son iki ildə keçirilən 1600-dən çox kursda iştirak edənlərin “yaşıl” fəaliyyətlərə uyğun hazırlanması üçün yeni standartlar və kurikulumlar tətbiq olunub".
Nazir həmçinin ölkədə əmək bazarının və iqtisadi tələbatın uyğunlaşdırılması məqsədilə yaradılan “Əmək Bazarının Monitorinqi və Təhlili Mərkəzi”nin 5-10 illik planlar hazırladığını bildirib:
"Bu mərkəz iqtisadiyyatın və iş bazarının tələblərini təhlil edərək, təhsil sisteminə gələcək tələbatlarla bağlı tövsiyələr verir. Sürətlə dəyişən dünya yeni bacarıqların davamlı inkişafını tələb edir və ömürboyu təhsilin aktuallığı getdikcə daha da artır", - deyə nazir əlavə edib.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2024 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər (0)