Peşə, orta ixtisas və ali təhsil pillələrində təhsil proqramlarının əmək bazarının real tələbatına uyğun yenilənməsi zəruridir.
Bunu “Azərbaycan müəllimi”nə Əmək Bazarı və Sosial Müdafiə Məsələləri üzrə Milli Observatoriyanın İdarə Heyəti sədrinin müşaviri Şaiq Kazımov deyib.
Onun sözlərinə görə, ixtisaslaşma və işə hazırlıq proqramları gənclərə müvafiq bilik və bacarıqlar qazandırmalıdır. Həmçinin əmək bazarının tələblərini formalaşdıran iqtisadiyyatın inkişaf istiqamətləri və ümumilikdə əmək bazarı və düzgün ixtisas seçiminin əhəmiyyəti haqqında valideynlərə məlumat verilməlidir ki, onlar da öz növbəsində ixtisas seçimin astanasında olan yeniyetmələri düzgün istiqamətləndirsinlər.
Ş.Kazımov əlavə edib ki, gənclər əmək bazarına daxil olur, lakin onların peşə və praktiki bilikləri ilə əmək bazarının tələbləri arasında uyğunluq tam təmin edilməyib. Bu, təhsil və karyera hazırlıq proqramlarının yenidən nəzərdən keçirilməsini tələb edir: "Azərbaycanda əmək bazarında dəyişikliklər və inkişaf meyilləri, bütün dünyada olduğu kimi, rəqəmsallaşma və texnologiya ilə sıx bağlıdır. Rəqəmsal texnologiyaların sürətli inkişafı yeni bacarıqlar tələb edir”.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər