Elm və Təhsil Nazirliyi ilə “ORT İsrail” məktəblər şəbəkəsinin birgə faliyyət planına əsasən, Azərbaycan Respublikasının Təhsil İnstitutu tərəfindən icra olunan “İnnovativ məktəb” layihəsi çərçivəsində direktor və müəllimlər İsrailin Təl-Əviv şəhərində keçirilən “Təhsildə liderlik” mövzusunda təlimlərdə iştirak edirlər.
Bu barədə institutdan “Azərbaycan müəllimi”nə məlumat verilib. Bildirilib ki, 12 məktəb üzrə 46 nəfərlik pedaqoji heyətin iştirak etdiyi təlimlərdə iştirakçılar müasir tədris metodologiyaları, layihə əsaslı öyrənmə və süni intellektin təhsildə yaratdığı imkanlar haqqında fəaliyyətlərə cəlb olunub, eləcə də İsrailin təhsil sistemi ilə tanış olmaq məqsədilə Ebin, Tivon və Dafna kimi qabaqcıl ümumi təhsil müəssisələrinə və Yerusəlimin “Bloomfield” Elm Muzeyinə səfər ediblər.
Təlimlərin açılış mərasimində çıxış edən ölkəmizin İsraildəki fövqəladə və səlahiyyətli səfiri Muxtar Məmmədov şagirdlərin gələcək çağırışlara hazırlanmasında təhsil işçilərinin rolu və bu istiqamətdə lazımi bilik və bacarıqların inkişaf etdirilməsinin vacibliyindən bəhs edərək iştirakçılara uğurlar arzulayıb.
Qeyd edək ki, sözügedən təlimlər 1 yanvar tarixinə qədər davam edəcək. Təlimlərin ikinci hissəsinin isə yanvar ayının sonunda Bakıda keçirilməsi planlaşdırılır.
1 /6
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər