Saatlıda kənd məktəbinin 32 məzunu ali məktəbə qəbul olub
Saatlı rayon Məhəmməd Əliyev adına Əlisoltanlı kənd tam orta ümumtəhsil məktəbinin 2025–2026-cı tədris ili üzrə 32 məzunu ali təhsil müəssisələrinə qəbul olunub.
"Azərbaycan müəllimi" xəbər verir ki, məzunlar ümumilikdə 18 ali təhsil müəssisəsinə qəbul ediliblər. Ən çox qəbul Bakı Dövlət Universitetinə olub. 6 məzun bu universitetin tələbəsi adını qazanıb.
Azərbaycan Dövlət Pedaqoji Universitetinə 3, Azərbaycan Dövlət Neft və Sənaye Universitetinə 2, Azərbaycan Dövlət Pedaqoji Universitetinin Ağcabədi filialına 2, Azərbaycan Dövlət Aqrar Universitetinə 2, Azərbaycan Dövlət Mədəniyyət və İncəsənət Universitetinə 2, Azərbaycan Dövlət İqtisad Universitetinə 2, Azərbaycan Universitetinə isə 2 məzun qəbul olub.
Bundan başqa, məzunlar Qarabağ Universiteti, Milli Aviasiya Akademiyası, Sumqayıt Dövlət Universiteti, Azərbaycan Memarlıq və İnşaat Universiteti, Odlar Yurdu Universiteti, Naxçıvan Dövlət Universiteti, Azərbaycan Kooperasiya Universiteti, Bakı Biznes Universiteti, Azərbaycan Dövlət Pedaqoji Universitetinin Cəlilabad filialı və Azərbaycan İdman Akademiyasında təhsil almaq hüququ qazanıblar.
Məzunların seçdiyi ixtisaslar da müxtəlifliyi ilə diqqət çəkir. Onlar 28 müxtəlif ixtisas üzrə ali təhsil alacaqlar.
Əlbəttə, ixtisas adlarını böyük hərflə başlayaraq və dırnaq içində belə yaza bilərsiniz:
Ən çox seçilən ixtisaslar arasında “Tarix müəllimliyi”, “İnformasiya təhlükəsizliyi”, “Aqronomluq” və “Maliyyə” yer alır. Bu ixtisasların hər birinə 2 məzun qəbul olunub.
Digər məzunlar isə “Hüquqşünaslıq”, “Neft-qaz mühəndisliyi”, “Xüsusi pedaqogika”, “Tarix və coğrafiya müəllimliyi”, “Riyaziyyat müəllimliyi”, “Sənətşünaslıq”, “Mühasibat uçotu”, “Biologiya müəllimliyi”, “Sosial iş”, “Muzey və arxiv işi”, “Hidrometeorologiya”, “Coğrafiya müəllimliyi”, “Energetika mühəndisliyi”, “Kimya-biologiya müəllimliyi”, “Sənaye mühəndisliyi”, “Tərcümə”, “Məktəbəqədər təhsil”, “Kompüter mühəndisliyi”, “Ekologiya mühəndisliyi”, “Geologiya və geofizika mühəndisliyi”, “Mədən mühəndisliyi”, “Torpaqşünaslıq və aqrokimya”, “Kütləvi sağlamlıq” kimi ixtisasları seçiblər.
Beləliklə, məktəbin 32 məzununun hər biri müxtəlif ixtisaslar üzrə ali təhsil almaq imkanı əldə edib. Məzunların arasında ən yüksək nəticəni 661,3 balla Bakı Dövlət Universitetinin "Hüquqşünaslıq" (tədris ingilis dilində) ixtisasına qəbul olan Kənan Səfərov göstərib.
