Şagirdlərimizin riyaziyyat nəticələri bəzi Avropa ölkələrindən yüksək olub
TIMSS 2023 beynəlxalq qiymətləndirmə tədqiqatının nəticələrinə əsasən, Azərbaycan 4-cü sinif riyaziyyat fənni üzrə 494 balla 58 ölkə arasında 38-ci yerdə qərarlaşıb.
"Azərbaycan müəllimi" xəbər verir ki, bu barədə hesabatda qeyd olunub.
Azərbaycanlı şagirdlərin 4-cü sinif üzrə riyaziyyat nəticələri Fransa, Belçika (Fransız), Yeni Zelandiya, Qazaxıstan, Qətər və Özbəkistan kimi ölkələrdən daha yaxşı olub.
8-ci sinif üzrə tədqiqatda ilk dəfə iştirak edən şagirdlərimiz riyaziyyat fənni üzrə 479 balla 44 ölkə arasında 25-ci yerdə qərarlaşıb.
Şagirdlərimizin riyaziyyat nəticəsi iştirakçı ölkələrin ortalamasından yüksək olub. Bu nəticə Portuqaliya, Gürcüstan, Qazaxıstan, Qətər və Özbəkistan kimi ölkələrdən daha yuxarıdır.
