Şəki-Zaqatala bölgəsində 172 məzun qəbul imtahanlarında 600-dən yuxarı bal toplayıb
Şəki-Zaqatala Regional Təhsil İdarəsindən “Azərbaycan müəllimi”nə verilən məlumata görə, qurumun tabeliyindəki ümumi təhsil müəssisələrinin məzunları 2024–2025-ci tədris ilində yüksək nəticələr göstəriblər.
Nəticələrə əsasən:
Şəki rayonundan – 67 nəfər,
Qəbələ rayonundan – 57 nəfər,
Zaqatala rayonundan – 22 nəfər,
Balakən rayonundan – 10 nəfər,
Qax və Oğuz rayonlarının hər birindən - 8 nəfər məzun 600-dən çox bal toplayıb.
Region üzrə ən yüksək nəticəni Şəki rayonu Orta Zəyzid kənd Asim Kamil oğlu adına 1 nömrəli tam orta məktəbin məzunu Orxan Abdulsəmədli göstərib. O, buraxılış və qəbul imtahanlarının hər ikisində maksimum nəticə göstərərək 700 bal toplayıb.
Digər yüksək nəticə göstərən məzunlar arasında:
Qax şəhəri N. Allahverdiyev adına 2 nömrəli məktəb-liseyin məzunu Çiçək Hümmətli – 697 bal,
Balakən rayonu Amin Novruzov adına Humanitar və texniki fənlər təmayüllü liseyin məzunu Şahin Məmmədov – 695 bal,
Qəbələ rayonu Daşca kənd tam orta məktəbin məzunu Səmra Mahmudova – 692 bal,
Oğuz şəhəri Nail İbrahimli adına 3 nömrəli məktəb-liseyin məzunu Gülər Ənsərli – 683 bal,
Zaqatala şəhəri Şıxəli Qurbanov adına 3 nömrəli tam orta məktəbin məzunu Xanzadə Həsənova – 678 bal fərqlənib.
