Sertifikasiyada sizi nə gözləyir? – Texnologiya fənni üzrə test nümunələri açıqlandı
“Texnologiya fənni üzrə sertifikasiya sualları yalnız qüvvədə olan dərsliklərə və çərçivə sənədinə əsaslanır”.
“Azərbaycan müəllimi” xəbər verir ki, bunu Azərbaycan Respublikasının Təhsil İnstitutu (ARTİ) tərəfindən texnologiya fənni üzrə sertifikasiyaya hazırlıq məqsədilə təşkil edilən vebinarda “Qabaqcıl təhsil işçisi” nişanının sahibi, Əməkdar müəllim Gülşən Mirizadə deyib.
O qeyd edib ki, suallar şəkil, sxem, cədvəl və Venn diaqramı formasında təqdim oluna bilər:
“Ardıcıllıq, seçmə, uyğunluq, situativ və hesablama tipli tapşırıqlar yer ala bilər. Çətinlik dərəcəsinə görə, suallar asan, orta və çətin səviyyədə olmalıdır”.
Vebinarın sonunda müəllimlər üçün test nümunələri də təqdim edilib.
