Sertifikatlaşdırma imtahanının vaxtı açıqlandı
Müəllimlərin sertifikasiya imtahanı 18-25 iyunda keçiriləcək.
"Azərbaycan müəllimi" xəbər verir ki, bunu Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyinin (MÜTDA) direktoru Eşqi Bağırov jurnalistlərə açıqlamasında deyib.
“18-25 iyun tarixlərində bu il ilk dəfə sertifikatlaşdırmada biologiya, kimya, fizika, coğrafiya və informatika fənləri üzrə müəllimlər iştirak edəcəklər. Eyni zamanda, ötən il birinci cəhddə uğursuz olanlar ikinci cəhd kimi həmin tarixlərdə imtahan verə biləcəklər. İmtahan vaxtı və yeri ilə bağlı əlavə məlumatlar sabah gün sonuna qədər müəllimlərin şəxsi səhifələrinə göndəriləcək", - deyə o bildirib.
