Yeni ildə ilk dərs günü nə zaman olacaq?
Azərbaycanda yeddigünlük qeyri-iş günündən sonra beşgünlük iş həftəsi ilə işləyən təhsil müəssisələrində ilk dərs günü yanvarın 6-da, altıgünlük iş həftəsi ilə işləyən müəssisələrdə isə yanvarın 4-də olacaq.
Elm və Təhsil Nazirliyindən “Azərbaycan müəllimi”nə verilən məlumata görə, Nazirlər Kabineti 31 dekabr - Dünya Azərbaycanlılarının Həmrəyliyi Günü və Yeni il bayramı ilə əlaqədar “İş və istirahət günlərinin yerlərinin dəyişdirilməsi haqqında” Qərar verib.
Qərara əsasən, dekabrın 28-29-u iş günü sayılıb. Bu gün beşgünlük iş həftəsi ilə işləyən ümumtəhsil müəssisələrində cümə gününün, altıgünlük iş həftəsi ilə işləyən məktəblərdə isə bazar ertəsi gününün dərsləri tədris olunur.
