DİM sədri: “200 baldan yuxarı nəticə göstərən hər bir şəxs qəbul ola bilər”
“Bu il I ixtisas qrupunun RK altqrupunda plan yerləri 12 710-dur, 200 baldan yuxarı nəticə göstərən abituriyentlərin sayı isə 7 662-dir. Bu o deməkdir ki, 200 baldan yuxarı nəticə göstərən hər bir şəxs qəbul oluna bilər”.
“Azərbaycan müəllimi” xəbər verir ki, bu barədə Dövlət İmtahan Mərkəzinin İdarə Heyətinin sədri Məleykə Abbaszadə DİM-in “YouTube” və “Facebook” səhifələrindəki canlı yayımda məlumat verib.
M.Abbaszadə bildirib ki, I ixtisas qrupundakı 20 150 plan yerinin 75 faizi -15 200 yer dövlət sifarişlidir: “Bu o deməkdir ki, bu ixtisas qrupunda olan peşələrə gələcəkdə tələbat yüksək olacaq.
150 baldan yuxarı nəticə göstərənlərin sayı 12 622-dir. Yəni 150 baldan yuxarı nəticə göstərənlər də qəbul ola bilərlər”.
Onun sözlərinə görə, RK altqrupunda subbakalvrlara da müəyyən qədər yer qalacaq.
