Emin Əmrullayev: Uzun illər "müəllim", "ibtidai" sözünü yaza bilməyənlər bizə dərs deyib
Uzun illər "müəllim" sözünü bir "l", "ibtidai" sözünü "p" və "y" ilə yazanlar bizə dərs deyib.
"Azərbaycan müəllimi" xəbər verir ki, bunu elm və təhsil naziri Emin Əmrullayev media üçün keçirilən brifinqdə deyib.
Nazir qeyd edib ki, ibtidai təhsilin səviyyəsi aşağıdırsa, təbii ki, yuxarı siniflərdə də nəticələr aşağı olacaq:
"Bizim problemlərimizin çoxu ibtidai təhsildə idi. Onun əsaslı bir hissəsini həll etmişik. Ən aşağı keyfiyyətli 4 min ibtidai sinif müəlliminin əmək müqaviləsinə xitam verilib və onların yerinə daha bacarıqlı müəllimlər gətirilib".
