Gələcəyin qrafik dizaynerləri müəllimlərini ilk əl işləri ilə təbrik ediblər
5 Oktyabr – Beynəlxalq Müəllimlər Günü münasibətilə Qəbələ Dövlət Peşə Təhsil Mərkəzinin “Qrafik dizayner” ixtisası üzrə təhsil alan I kurs tələbələri qrafik dizayn sahəsindəki ilk işlərini məhz bu əlamətdar günə həsr ediblər.
"Azərbaycan müəllimi" xəbər verir ki, onlar müəllimləri üçün xüsusi təbrik kartları hazırlayaraq pedaqoji heyətə və Mərkəz rəhbərliyinə təqdim ediblər.
Bu təşəbbüs tələbələrin yalnız peşə bacarıqlarını deyil, həm də yaradıcılıqlarını, təşəbbüskarlıqlarını və müəllim əməyinə olan dərin hörmətlərini nümayiş etdirir.
Müəllim – biliyi bacarığa, bacarığı isə gələcəyə çevirərək hər bir tələbənin uğur yolunu işıqlandıran əvəzolunmaz dəyərdir.
